صالح عاصم كفاش معروف به پرويز كه در شعر (عاصم)تخلص ميكند روز13/ديماه/1320 در محله ئ قديمي جمعه مسجد اردبيل درخانهء پدر بزرگ فقيدش شادروان غلام عسگر عاصم كفاش –كه از خادمين دربار حسيني و شاعري دلسوخته و بي تكلف بوده -قدم به جهان هستي گذاشت.پدر مرحومش اسمعلي داراي ذوق ادبي بود ودر راستهء كفاشان بازار اردبيل به كفاشي اشتغال داشت.
صالح عاصم تحصيلات ابتدايي را در دبيرستان سنايي واقع در كوچهء حسن آباد و تحصيلات متوسته را در دبيرستان پهلوي و صفوي به پايان رسانيد. پس از انجام خدمت وظيفه وارد تربيت معلم تبريز شد و پس از گذراندن دورهء آموزشي يكساله به زادگاه خود بازگشت تا به عنوان معلم استخدام شود ودر دبيرستانهاي اردبيل به تدريس پرداخت .وي در سال1353 به دانشسراي عالي تهران راه يافت ودر رشتهء زبان وادبيات زبان انگليسي بهاخذ مدرك ليسانس نائل گرديد. عاصم كه درسال 1343 ازدواج نموده داراي سه فرزند به نامهاي داور و داريوش و رامين ميباشد كه دريغا شمع حيات دومين فرزندش در زمستان سال 1376 به خاموشي گرائيد وروح شاعر را براي هميشه داغدار كرد. عاصم در اين ماتم شعر سوز ناكي دارد كه بيتي از آن نقل مي شود:
منه بير داغ دادين، اسفند آيي،داديري فلك
تابيلم سينه ي زينب ده كي آمار نه دير
عاصم ،علاوه بر مهارت در مراثي غزلهاي اجتماعي و چار پاره هاي هجايي،منظومه هاي شيوايي به صورت بحر طويل دارد كه از آن جمله مي توان به قطعهء سوري(جهنمده بيتن گول)وشيخ محمد(ايكينجي بهلول)اشاره كرد.
آثار چاپ شده از اين شاعر عبارتند از:
1.قانلي سحر 1373
2.يارالي دورنا1377
3.نيسگيللي گولوشلر1382
گؤزلیم! سالما گؤزوندن منی، بیگانه کیمین
اذن وئر، شوط ائدیم اطرافینی پروانه کیمین
بخت آئینه سی تک، سیل اوره گیندن کدری
تا صداقت باخیشیندان جوشا، میخانه کیمین
اوخو عشقین کیتابین، سئوگی دن افسانه یاراد
کؤنلومو شوقیله سرشار ائله، پیمانه کیمین
روحوم آشوفته دی، زولفون کیمی آی سیزدی گئجه م
بو پریشانلیغا بیر نظم یاراد شانه کیمین
گل گؤزللر آرا، بی رحمیلیگ آییننی پوز
سالما اؤز عاشیقینی چوللره، دیوانه کیمین
بولبولم، قهر زمان، باغدان اوزه ندن الیمی
قارا خالیندی چکن دامه منی دانه کیمین
گل ملامت داشی آلتیندا، بو بیچاره کؤنول
تالانیب قیش گونو، تاراجه گئدن لانه کیمین
گون کئچیب، آی دولانیب، ایللر اؤتوبدور هله ده
سینه ده ساخلامیشام گنجیمی ویرانه کیمین
گلمه دین، اوندا کی جان دردینه درمان واریدی
ایندی درمان دا منه درد دی جانانه کیمین
عاصمین طبعی، صداقت بولاغیندان سو ایچیر
گر چی دؤزگونلوگ، اولوب دهرده افسانه کیمین
آغلامازدیم زامان آغلاتدی منی
دوز یولوندان آزان آغلاتدی منی
گوردوم حسرتدی همالر سوموگه
ایشله ییر شاخدا سوموکدن ایلیگه
دوزوموزده اییلیر ایری لیگه
قالدی قانماز قانان آغلاتدی منی
آغلامازدیم زامان آغلاتدی منی
تک صبیر گلدی دئدیم ایش دوزه لر
قار گئدر، بوز ارییر یازدا گلر
نه بیلیم یازدا بوران باغری ده لر
یوخاچیخمیش گومان آغلاتدی منی
آغلامازدیم زامان آغلاتدی منی
دئدیلر بیر گون اولار ساز حالیمیز
قیتدیق اولسا واریمیز یاغ بالیمیز
ایندی کی اون تک اولوب ساققالیمیز
بو یالان سوز یامان آغلاتدی منی
آغلامازدیم زامان آغلاتدی منی
ظن ائدیردیم آغیر اولسا یارالار
یارالار آغریسین آنجاق یار آلار
نه بیلیدیم اوره گی یار یارالار
بیلمه مز لیکدی، قان آغلاتدی منی
آغلامازدیم زامان آغلاتدی منی
اره لر توشدو که جنگل جانینا
تولکی لر تور توخودو اصلانینا
طرلانی اووچی باتیر جاق قانینا
اوخدان آرتیق کامان آغلاتدی منی
آغلامازدیم زامان آغلاتدی منی
اری مز قالدی بیینده بوزوموز
گویده سایریشمادی بخت اولدوزوموز
نه قویون قالدی نه املیک قوزوموز
قوردا بنذر چوبان آغلاتدی منی
آغلامازدیم زامان آغلاتدی منی
من دئدیم باغلاسا یادلار قولومو
دایاقیم وار قورییا ساغ سولومو
قوپدی بیر چن که ایتیردیم یولومو
داغا باخدیم دومان آغلاتدی منی
آغلامازدیم زامان آغلاتدی منی
وای بیزه اولدی پوزولماز یازیمیز
مضراب اود توتدی قیریلدی سازیمیز
قالدی قیشلانمادا عاصم یازیمیز
یازی گول سوز یازان آغلاتدی منی
آغلامازدیم زامان آغلاتدی منی
گوزون دولوب سوزایلن بیلمیره م گوزون ده نه وار؟
اوزون گورن ده دیلیم لال اولور اوزون ده نه وار؟
باخان دا شـوق ایله شمشاد مثـلی قامت اینه
تاپانمیرام اوزومــو نازنین اوزون ده نه وار؟
آجی سوزون منه بال دان شیرین دی بیر سوزه گل
اوزون بویور بو معما نه دیر؟ سوزون ده نه وار؟
نه کوزدو کونلومو یاخدیقجا داغ لی لاله بیته ر؟
بو شـوره زاری گلستان ائده ن کوزون ده نه وار؟
عومور یازین دا کی کونلوم سن ایله یازلاندی
او یازلا یازلانیرام دادمیشام گوزون ده نه وار؟
او گون کی آیریلیقا چاره، دوز، دئدین هله لیک
اطاعتین ده وار عاصم گوره دوزونده نه وار؟
دئمه اوزون ده، سوزون ده، گوزون ده اولدوغونو
گوزون دولوب سوز ایلن کاش بیله ام گوزون ده نه وار؟
سن سیز اوره گیم ناره گرفتار اولو گئتمه
کئچمیش قارا گونلر منه تکرار اولو گئتمه
مین دردیمه درمان گتیریب نرگس مستون
گئتسون دل سودا زده بیمار اولو گئتمه
اون دورت گئجه لیک آی کیمی ساچ کونلومه یوخسا
زولفون کیمی آیدین سحریم تار اولو گئتمه
کونلوم قوشو چیخمازدی چمن سئیرینه سن سیز
سنلن گوزلیم مایل گولزار اولو گئتمه
حاشا گوله بیر گول اوزومه دهر ده سنسیز
گولشنده ده گوللر گوزومه خار اولو گئتمه
جان نقدینه بیر نازینی ساتسون آلارم من
کیم من کیمی اول نازه خریدار اولو گئتمه
عشاق آرا باشیم اوجالار داغ کیمی قالسون
اغیار آرا عاصیم قوجالیب خوار اولو گئتمه
گل بوشان شان اوره گین قصه سین انشاءائله گئت
بیربه بیر ووردوغون اوخلاره تماشا ائله گئت
آیریلیق دان نظر ائت گوزده ن آخان قان یاشیما
قطره لرده ن توره نن چشمه نی دریا ائله گئت
گیزلی اسراریمی ائل ده ن ائله دیل ده ن دیله سال
سن ده مجنونونو ائللر آرا رسوا ائله گئت
داغلی یام بارلی باغین پنجره سین آچ اوزومه
قاراقیش دان قارالان باغریمی احیا ائله گئت
بیر باخیش سئوگی یه ایللر بویو حسرت ده وارام
گل گولوم گل اونو بو جان ایله سودا ائله گئت
قتلیمین حوکمونو سن سیزلیگیم امضا ائلئیب
گل بو محکومون اوزون حوکمونو اجرا ائله گئت
ظلماتین داش قلعه سین ده ن باشا داش یاغمادادیرتکجه بیر جلوه قارانلیق دا تماشا ائله گئت
باخ بو وحشت ده بوغولموش آجی قیشقیرتی لارا
لال سکوت دان دوغولان های کویو معنا ائله گئت
گئجه نین باغلا قارا معجرین آیدین سحره
گوندوزون خیمه سینی اولکه ده برپا ائله گئت
عاصمین دردی آغیر اولسادا یونگول دو یوکو
گل بو قارقانمیش ایلان کوسمه مدارا ائله گئت
من ایستیرهم اوزومو آغلایام نه ائتمهلیام؟
اولن دیلکلره یاس ساخلایام نه ائتمهلیام؟
من ایستیرهم کوزه ریب اودکیمین کول اولسامدا
قارانلیقین اورهگین داغلایام نه ائتمهلیام
چوخ ایستیرهم قوناقیم اولسا شعریمین پریسی
قیزیل غزل قولونا باغلایام نه ائتمهلیام
من ایستیرهم سویو چاتدیرماغا یارین باغینا
جوشوب شلاله کیمین چاغلایام نه ائتمهلیام
منیم ده اوخشاماغا محتشم دیاریم وار
صفالی باغچالییام باغلییام نه ائتمهلیام
اوزومده یاسلی گوزومده سوزومده شعریمده
آچیق دئیم ساوالان داغلییام نه ائتمهلیام
... و ایستیرهم نه عطا اولسا عاصمه ائل دهن
سیزهده بیر نئچه پای ساخلایام نه ائتمهلیام؟
دوزموشوم اول قدر هجرانه دوزومدن کوسموشم
اوزموشم امید وصلتدن اوزومدن کوسموشم
اویموشام ایللر بو ظاهربین گوزون فتواسینه
اَیری لر دوز گورموشم، از بس گوزومدن کوسموشم
گورموشم چون مصلحت چنگنده طبعیم رام اولور
ائلدن الهام آلدیغیم شیرین سوزومدن کوسموشم
تکجه عاصم سونمه ییر سینه مده عشقین آتشی
سانما بئش گونلوگ سمندر تک کوزومدن کوسموشم
چوخدا شمعین بزمینه ایللردی من بیگانه یم
هاردا بیر جانسیز ایشیق وار اوردا من پروانه یم
اول قدر باشدان ملامت داشینه توش اولموشام
سانکی مجنون دان نشان قالمیش سؤنن افسانه یم
ساقیا منع شراب ائتمه دولاندیر باده نی
کاسه ی صبریم جالانمیش،طالب پیمانه یم
شاهبازم چوخدا سینمیش بال پروازیم منیم
سانما بلبل تک بو گون پابند آب و دانه یم
ساتمیشام زاهد دئین جنّاتی جانان آلمیشام
نئیله مک عقلیم چاشیب زنجیرسیز دیوانه یم
آغ دئین لر قاره یه باج آلدیلار افلاکیدن
منده دوزگونلوک تاج ایلن حاکم ویران یم
هر سؤزوملن منله مین بیگانه اولموش آشنا
آشنایه بیلمیرم "عاصم" نه دن بیگانه یم...
میرزا علیاکبر طاهرزاده (صابر) در روز ٣٠ می سال ١٨۶٢ میلادی در شهر شماخی متولد شد. پدرش بقالی کوچکی داشت و به خاطر اعتقادات مذهبی، میخواست صابر را در قامت یک روحانی ببیند. به همین دلیل در هشت سالگی او را به مکتب فرستاد. صابر تا دوازده سالگی در مکتب بود تا اینکه بعدها در مدرسه دولتی باکو که توسط شاعر مشهور آن دوران، سیدعظیم شیروانی افتتاح شده بود شروع به تحصیل علوم جدید کرد. در این مدرسه بود که او به استعداد شاعریاش پی برد و با کمک سیدعظیم، به خواندن و ترجمه اشعار فارسی پرداخت. اما مدتی بعد پدرش او را از ادامه تحصیل منع کرده و وادار به کار در مغازه نمود. پدر صابر او را به خاطر علاقه ای که به درس و شاعری داشت سرزنش کرده و حتی یک بار دفتر اشعارش را پاره می کند.
خان دوستی، آماندی، قویما، گلدی!
دیداری یاماندی، قویما گلدی!
وای، وای، دئیه سن بشر دگیل بو؟
بیر شکله اویان تهر دگیل بو،
آللاهی سئورسن، ار دگیل بو،
اردودی، قاباندی، قویما، گلدی!
دیداری یاماندی، قویما گلدی!
اول گون کی، آداخلادیز، اوتاندیم،
اوغلاندی، دئدیز ارین، ایناندیم!
اَر بویله اولورموش، ایندی قاندیم!
خان دوستی، آماندی، قویما، گلدی!
کرداری یاماندی، قویما گلدی!
قورخدوم، آی آمان، یاریلدی باغریم
بیر نازیک ایپه ساریلدی باغریم
گوپ- گوپ دویونوپ داریلدی باغریم،
جانیم اودا یاندی، قویما، گلدی!
کرداری یاماندی، قویما گلدی!
دودکش کیمی بیر پاپاغ باشیندا،
آغ توکلری بللی دیر قاشیندا،
گرچی قوجادیر، بابام یاشیندا،
اما سوراغاندی، قویما گلدی!
کرداری یاماندی، قویما گلدی!
ایگرنمیشم آغزینین سویوندان،
قطران قوخوسی گلیر بویوندان،
لاپ دوغروسو، قورخموشام خویوندان
بیر افعدی ایلاندی، قویما، گلدی!
کرداری یاماندی، قویما گلدی!
ثرادن بیر ده لی شیطان دئیر: انسانلار، انسانلار!
نه دیر دونیانی دوتموش علم لر، عرفانلار، انسانلار!
قانان کیم، قاندیران کیم، فیض یاب اولسا عوام الناس
دوشر شان و شرف دن ملالار، ایشانلار*، انسانلار!
سئورمی اهل استبداد ملت هوشیار اولسون؟
بونا راضی اولورمو بیرنئچه وجدانلار، انسانلار!
آییلمیش رنجبرلر، آلماق ایستر حق مشروعین
نه یئرده قالمیسیز بگلر، آغالار، خانلار، انسانلار!
محررلر، مفتن لر اوسانمازلار، اوتانمازلار
بازارلار، هرزه لر، افسانه لر، هذیانلار، انسانلار!
شرارت دن چکیب ال، خیره مایل اولمایین بیر دم
کسین باشلار، الین جانلار، تؤکون مین قانلار، انسانلار!
بشر سیز، سیزده قان تؤکمک طبیعی در، جبلی دیر
بوفطرتدن اوزاقدیر، شبهه سیز، شیطانلار، انسانلار؟
دگول میحیف دل لردن غبار جهل محو اولسون
نچون هرگونده قاندان قوپماسین طوفانلار... انسانلار!
دمادم نفس اماره دئمکده اُقتل الاخوان
نچون سالم قالا باشلار، بدنلار، جانلار،انسانلار!
جهالت پرده سین چاک ائتمه یین، اوندا گؤره ر سیز کیم
ثرادیر جسم لر، هم نفس لر، شیطانلار، انسانلار!
*- ایشان: اوزبک و تاتار واعظلری
وای، وای، نه یامان مشکله دوشدی ایشیم، الله!
فریادیمه یئت کیم، یانیرام آتشه، بالله!
اسلامه خلل قاتمادادیر بیر نئچه بدخواه
ایسترلر اولا بنده لرین طاغی و گمراه
ائتدیم نه یامان عصره تصادف، آمان ای وای
لا حول و لا قوة الا بالله!
مکتب لر آچیب ائیله یین احسانی- دئییرلر
مکتبده قویون «اوستولو»، داسقانی- دئییرلر
پر پوچ ائله یین چوب فلقانی- دئییرلر
دیشره چیخارین حضرت ملانی- دئییرلر
ملا قاوولا، یعنی معلم گله واه!... واه!...
لا حول و لا قوة الا بالله!
من آنلامیرام کیم، نولا معنای معلم
قیرخ- اللی منات پول آلا هر آی معلم
بیر تازه اصوله اولا ایفای معلم
پوللاری آلا، سؤیله یه، اوخفقای معلم
ملا اونا حسرتله چکه کوچه ده آه!...آه!...
لا حول و لا قوة الا بالله!
بیر ایلدی، بیر آز چوخ دا اولور، یوخدی دماغیم
نه چاتیر الیم بیر ایشه، نه گئدیر ایاغیم
هر دن یئنی بیر سوز دانیشیر اوغلان- اوشاغیم
تاققیلدایر، آلله دا شاهیدی، قولاغیم
«پورت آرتور»، حریت، «مانجوریا» قاه- قاه
لا حول و لا قوة الا بالله!
آند اولسون اوتن گونلره، دیوانه اولوبلار
اسلامه ده، ایمانه ده بیگانه اولوبلار
بالله باشیم چیخماییر آیا نه اولوبلار
حریته- مریته مستانه اولوبلار
باه باه... گئنه باه باه... گئنه باه باه... گئنه باه باه
لا حول و لا قوة الا بالله!
آخ، آی کئچن ایللر، نولا بیر ده دولانایدین
تازه گئنه بئش یوز ایل اولونجا دایانایدین
علمی، ادبی، فضلی، کمالاتی دانایدین
ای بیلدیر، اینیش ایل، نولا اودلاره یانایدین!
تا ائیله مه ییدین ده بو غافل لری آگاه!
لا حول و لا قوة الا بالله!
بیلمم نه ایشیم واردی، باشیم هاردا قاریشدی
علم ایله بئله دوشمن اولان قوم باریشدی
تجدید وفابیرله معارفله ساریشدی
راحت یاتا بیلمم، منه غم موری داریشدی
ائتمکمی اولار بیر ده بو اویموشلاری اکراه؟
لا حول و لا قوة الا بالله!
ماه کنعانین باتیب، ای پیر کنعان، غم یئمه!
تا گلستانین اولوبدور بیت احزان، غم یئمه!
ای دل محنت زده، اول شاد، لبریز سرور
کسب نامردی قیلار افکار وجدان، غم یئمه!
اولمادی مقصودیمیزجه دور چرخ کج مدار
قالمالی دیر بئیله حالت اوزره دوران پایدار:
قسمتیندیر، ائتگیلن هم روز و شب ناله، زار
ای رعیت، ای فقیر و فعله، دهقان، غم یئمه!
صبح تئزدن دور آیاغا، شامه تک چک زحمتی
گوجلولردن ده ائشیت هر نوع فحش و تهمتی
سن ذلیل اول، عیبی یوخ، قوی گوجلو چکسین لذتی
قوی سنی خوار ائیله سینلر خان و اعیان، غم یئمه!
ایشله قوی قدین بوکولسون، ایشله، آلنین ترله سین!
ایشله، آج قال، آج بهایم تک عیالین چرله سین
ظلمدن فریاد و دادی قوی دیلین ازبرله سین
غارت ائتسین روزینی ملا و بگ، خان غم یئمه!
چک گیلن عمرون چاتینجا، بینوا، آه و فغان
بئیله پنهان سرّیلر اولماز سنه هرگز بیان
ملا نصر الدین، «لسان الغیبه» اولدون ترجمان
روح پاکندیر سنین هر دم ثنا خوان، غم یئمه!
ترپنمه آماندیر، بالا، غفلتدن آییلما!
آچما گوزونو، خواب جهالتدن آییلما!
لای لای، بالا، لای لای
یات، قال دالا، لای لای!
آلدانما، آییقلیقدا فراغت اولا هیهات!
غفلتده کئچنلر کیمی لذت اولا هیهات!
بیدار اولانین باشی سلامت اولا، هیهات!
آت باشینی یات، بستر راحتدن آییلما!
لای لای، بالا، لای لای
یات، قال دالا، لای لای
آچسان گوزونو رنج، مشقت گورهجکسن
ملتده غم، امتده کدورت گورهجکسن
قیلدیقجا نظر ملته حیرت گورهجکسن
چک باشینا یورغانینی، نکبتدن آییلما!
لای لای، بالا، لای لای
یات، قال دالا، لای لای!
بیر لحظه آییلدینسا قوتار جانینی، یوخلا
آت تریاکینی، چک،بابا قلیانینی، یوخلا
اینجینسه ساغین وئر یئره سول یانینی، یوخلا
ایللرجه شعار ائتدیگین عادتدن آییلما!
لای لای، بالا، لای لای
یات، قال دالا، لای لای!
گوز نوریدیر اویقو، اونو، دور ائتمه گوزوندن
یول وئرمه مبادا چیخا بیر لحظه سوزوندن
اما ائله برک یوخلاکی، حتی گئت اوزوندن
آفاقی دوتان شور و قیامتدن آییلما!
لای لای، بالا، لای لای
یات، قال دالا، لای لای!
میرزا صادق از شاعران بزرگ معاصر متولد 1226 شمسی در اردبیل متخلص به بیضا از شاعران معاصر اردبیل است.در سال 1226 شمسی در اردبیل متولد گردید. او شغل تجارت داشته و به وارد و صادر نمودن پوست بره اشتغال می ورزید. طبع شعر قوی و مطالعات زیادی داشته است. اشعارش غالبا به زبان ترکی و در مدایح و مرثیه سرایی اهل بیت بوده است. در گفته هایش ذوق عرفانی به چشم میخورد. و به گفته یکی از نوادگانش خود بیضا در ایام بیماری مشرف به موتش سروده هایش را که با مرکب نوشته شده بوده است درظرف آبی ریخته وشسته است.با این حال جسته گریخته ازاشعار او در یادداشتهای دیگران باقی مانده است.دو بیت زیر نمونه ای ازاشعار ترکی اوست.بیضاء در نفسیر قرآن شریف ، نهج البلاغه و آثار گرانپایه متقدمین از قبیل : سنائی ، عطار ، خاقانی ، سعدی ، حافظ ، مولوی ، فضولی و سایر قلمداران عرصه شعر و ادب و عرفان مطالعات عمیقی داشته ، در کنار این ذخایر و گنجینه های فنا ناپذیر علوم بیان و کلام ، عروض و بدیع و قافیه ، فلسفه و منطق و النهایه آنچه را که در پرورش روح بلند یک شاعر عارف ضرورت دارد به خوبی فرا گرفته است . میگویند مرحوم بیضاء به دلیل احاطه به علوم اسلامی و مسائل فقهی ، گاهی اوقات وکالت اشخاص را قبول و در دعاوی مطروحه در محاکم از حقوق موکلین خود دفاع میکرده است.
دیوان شعر استاد با نام ( کلام بیضای اردبیلی ) در 510 صفحه از سوی تنی چند از علاقمندانش گرد آوری و با همت هیأت اردبیل شناسی و صندوق قرض الحسنه مهدیه با یک پیشگفتار و سه مقدمه در خرداد سال 74 چاپ و منتشر گردید
بیضادر سال 1301 شمسی در زادگاهش اردبیل در سن 75 سالگی دعوت حق را لبیک گفت ، جسمش در شهیدگاه بقعه شیخ صفی الدین اردبیلی ( آرامگاه شهدای جنگ چالدران ) به خاک سپرده شد و روحش به ملکوت اعلی پیوست.
بير سوسوزدان قوريان لبلري سو ياد ايلر
گئجه ني صبحه كيمي سو اودو فرياد ايلر
گزر آواره ورار باشني داشدان داشه
ناله ائيلر داليدان ذبح اولونان بير باشه
بلي لازمدو گرك شيعه اولان آغلاشه
گر چه آغلاشماقا بيگانه لر ايراد ايلر
گوزؤن ياشني جاري ايله كم اولما سودان
او تباكا وجب الجنته آئيل يوخودان
لخته لخته اورگي شيعه اولانون اولو قان
گئجه لر ياتماز حسين آديني اوراد ايلر
سينوي چاك ايله آغلا زن ثكلالرتك
اولما بيچاره تماشاچي او اعدا لرتك
غوطه ور قانوه سنده او شهدا لر تك
سني مانع گورك هانسي ايوي برباد ايلر
نجه خاموش اوتورورتشنه لب آقاسي اولن
بويني چينينده گرك آغليا مولاسي اولن
اولو مجنون دولانو ر چولري عباسي اولن
باش آچوق كوچه و بازاره دوشوب داد ايلر
زينب غم زديه گر ساق اوليدي عباس
عالم اولسيدي عدو ايتمزيدي ذره هراس
قويمادي شمر حسينه او خانم دوتسون ياس
بو قدر ظلمي نه فرعون نه شداد ايلر
آتام آنام سنه قربان ابا عبدالله
معاويه اوغلي سنه ائيلدي ثابت نه گناه
اولدروب تشنه سني بولمدي قوم گمراه
اولدورنلر سني پيغمبره بيداد ائيلر
ياندران بير اوتون آديدو محرم نامه
نقدر شرح اولونا يتميه جك اتمامه
آغليانلار بو شه بيكس و تشنه كامه
قارداشي الده اولن باجيه امداد ائيلر
گوردي كل اوسته حسينون قويوب اعدا باشني
گلدي افغانه آچوب حضرت زهرا باشني
اوخشيوب آغلادي اوپدي كي او زيبا باشني
او باشون عشقي بيزي ناليه معتاد ائيلر
وار هر كيمسه حسين دامننه چنگ اميد
گر شقي سه اولار آخر نفسنده او سعيد
خواه جامه اولا بيضا سيه خواه سپيد
پير كامل اوني بير لحظه ده ارشاد ائيلر
تا آتش اشراره حسین خیمه سی یاندی
گون باتدی، عدو یاتدی، شفق قانه بویاندی
فریاد و فغان جوهر ذراته داغیلدی
آوای حسین وای اودی هر یاندا عیاندی
بو ماتم عظماییده لاهوتیله ناسوت
حیراندی، پریشاندی و انگشت به دهاندی
تنها نه قرا پوش اولوب کعبه بو غمده
ناقوس کلیساده ده فریاد و فغاندی
خون حق و ناحق توکولوب کرببلایه
شرحی مرج البحر و لایلتقیان دی
تکفیر ایلمه گر دیسم الله حسین دور
واللهی و بالله، او همین و بو هماندی
من چکمرم ال دامن شاه شهدا دن
شاه شهدا دامنی ما فوق جناندی
ایکاش اولا بیضا سر کویینده غباری
هر چند کی بیضا ید بیضای زماندی
یوسفیم اولموش باجون خار مغیلان یولداشی
اولموسان اما ئوزون یعقوب کنعان یولداشی
راضیم بو دشتیدن تصویر دلبر گورمیشم
دلده اکبر سولیوب الله اکبر گورمیشم
مکتب وصل آچمشام زهرای اطهر گورمیشم
تاپمشام جانانی جانیم اولوب جان یولداشی
بیلمرم اصلا بو دشت غم فزاده خار وار
جلوه جانان وار شوق وصال یار وار
جایگاه یاریدور اغیار یوخ دلدار وار
کعبه گاه عشقدور روح اولموش ایمان یولداشی
عاشقم من عاشقانه ترک احباب ائتمیشم
آبله اولموش ایاقیم بیر غمه تاب ایتمیشم
بوته خار اوسته یوخ پرقوده من خواب ایتمیشم
باده عشقیله اولام حی سبحان یولداشی
انس دوتماق خاریلن راز سرشتیمدور منیم
پا پیاده چولده قاچماق سرنوشتیمدور منیم
عالی بیر میخانه دور بو چول بهشتیمدور منیم
اولمشام بو روضه رضواندا رضوان یولداشی
قارداشیم اصغر عطشدن سو یرینه قان ایچوب
ایچمیوب ئوز باشینه حقدن یتوب فرمان ایچوب
صودامر قانین آچوب پر زهریلی پیکان ایچوب
حیف او نازک حلق اولوب اوچ شعبه پیکان یولداشی
هجر دردین عاشق جانباز اولان یوخ آختارارن
وصل یاره یتمگه اوچ شعبه لی اوخ آختاران
پیک پیکان پیک وصلتدوراونی چوخ آختاران
یار حضورینده اولا ذوالعفو غفران یولداشی
خورداجا بیر قز سه ساله غرق بحر رنجیده
بختی دوشمش ماته چون شه عرصه شطرنجیده
پربها بیر دوردور پنهان اولوبدور گنجده
گنجده پنهان ئوزی چوللرده پنهان یولداشی
بو تیکان بو زجر دعوت نامه دلداریدور
جام وصلت دور بو چول لبریزدور سرشاردور
پرتگاه عشقدور هم جایگاه یاریدور
مونیسم یوخ اولموشام ناهید و کیوان یولداشی
نازل اولموش جدیمه قرآندا تطهیر آیه سی
خورداجا بیر سالکم پیر مغان همپایه سی
عالم ذره اولان عهدون منم پیرایه سی
فاخرانه اولموشام من عهد و پیمان یولداشی
گوشه ویرانه ده قالام مناجات ایلرم
پرچم وحدت آچوب حقه مباهات ایلرم
حقیمی غافل اولان اشخاصه اثبات ایلرم
منزلیم ویران قره تپراق منه جان یولداشی
عدنیده اول منی پیشواز عموم عباس ایدر
اصغریم در سرشکین توده الماس ایدر
جنته پیر خرابات مغان اجلاس ایدر
آیه قرآنی گورسون اولدی قرآن یولداشی
بیرکله دوزم کشاکشده وارام دنیائیلن
قطریم لکن رقابت ایلرم دریائیلن
رند و درویشم نه بیضایم ید بیضائیلن
اولموشام دنیا و عقباده عریفان یولداشی
قضـا کاتیبلـری دونیــا ائــویـن غمخـانـه یازمێشـلار
فراغت ایستهسـه هرکس اوْنی دیوانـه یازمێشـلار
خلیله حؤکم اوْلۇندێ تاکه اوْغلۇن کسمه قۇربانـێ
بـۇ قۇربانێ ازهل گۆندن شه-ی-مردانـه یازمێشـلارسنه ائی مدّعی گر عئشق حۆسئندی پیشـه
قوْرخما محشـهرده امـانـدی ایلـهمــه انـدیشـه
دۇت حۆسئن دامـهنینـی خاتمـه وئر تشویشـه
عاشیقون بیلهم قبرده کئچهر آسان گئجهسی
تا خليل رحمانه وحي كردگار اولدي
دوشدي فخريدن مينا كعبه شرمسار اولدي
سنگ و آجر و گلدن ای بيزه تيکن خانه
سيز مگر وئروبسوز سو فخر ائدرسوز عطشانه
آج قارينلارا اطعام يا لباس عريانه
فخر کعبه دن اقدم گلدی پيشکار اولدی
فخريله خليل الله تكيه ايلين ديوار
آز زمان كچوب اولدي خانه بت و زنّار
تا وجودي ايجاده گلدي حيدر كرار
دوشدي طاقدن ناقوس بت نگون سار اولدي
اول تولد پاكه مرتضي علي علت
اولدي خانه كعبه تاپدي آيري بير عفت
نقش پاي مولايه گلدي قبله طاعت
چكدي كعبه آغوشه غرق افتخار اولدي
تا كه اول يد الله نص فوق ايديهم
حقون آستينيندن چخدي اولدي باطلكم
صادر اولدي امر حق تارك الثقلين فيكم
كنت كنز مخفياً گون تك آشكار اولدي
كنز حقه دار الضرب گلدي كربلا لاريب
سكه لندي قانيله نقد اول خزاين غيب
غل و غشدن خالي يتمش ايكي تن بي عيب
سكه ربوبيت تاپدي سر عيار اولدي
دولدي كربلا دشتي نقش زر نگاريله
ترك يار ايدن مردم گلدي ذوق ياريله
قانلاري اولوب ممزوج اول شه كباريله
تاپدي وصف ثار الله هر قدر نثار اولدي
قطعه قطعه دوغراندي قالميوب بير انصاري
سنگسار ايدوب دشمن اول غريب بي ياري
چولقاشوب علم قانه يخديلار علمداري
لشگرون او بي ياره هر جفاسي وار اولدي
تشنه باشيني كسدي شمر سو كنارينده
قالدي ساربان ظالم ليلون انتظارينده
گلدي بجدل آختاردي جسم زخمدارينده
گوردي قالميوب بير زاد ياس او نا بكار اولدي
ايستدي گيده ناگه گوردي وار بير انگشتر
شاد اولوب سرور ايتدي گورجك اول ستم پرور
شرم ائتميوب قويدي قانلو بارماقا خنجر
قطع ايدوب دل عالم ياندي داغدار اولدي
چخدي خيمه دن ناگه گوردي زينب عليا
کربلاده محشردور وقت ظهر عاشورا
نخل نيزده تکبير دمبدم دير مولا
گلدي ناله و داده زار و دلفگار اولدي
قاچديلار بيابانه بانوان دل خسته
بير پاراسينون دوتمش دامنی اوت آهسته
قاچا بيلميوب اطفال يخلوب يوزی اوسته
ياندی هر اثاثيله خيمه تار و مار اولدی
گوردي زينب محزون قالميوب داخي چاره
يا علي ديوب لابد گيردي شعله ناره
چولقاشوب نه گورديلر بير عليل بيماره
سورونور اياقلاري خيمه دن كنار اولدي
دوندرن يوخ آرخاسی اوسته غيرت اللهی
اول بقای بااللهی اول فنای فی االلهی
تا بقية اللهون اودلاناندا خرگاهی
اهل بيت اطهاره حکم الفرار اولدی
اوز اوزينه هركيمدن وزن ايدنده گلدي كم
بيلدي بو قدر بيضا بير عدويمش عالم
قيلدي نوحه نوح آسااولدي رفع هم و غم
مندي كشتي نوحه اهل رستگار اولد
زینبون اولدی خدایا گونی یلدا گئجه سی
گیدی بیر تازه گلین قاره محنا گئجه سی
تازه دامادی ائدوب قانه عدو غلطیده
طوی اطاقینده عروس اولدی قرا پوشیده
هربیر گوشه ده اندوه و غمه پیچیده
بیله صبحون کچه جک گور نجه آیا گئجه سی
آل پیغمبره تنگ ایلدیلر دنیانی
شمردن آلدیلا مهلت شب تاسوعانی
فاطمه قزلارینون اولدی بلند افغانی
دئدیلر اول گئجیه محشر کبری گئجه سی
قویمادی روم و فرنگه گئده ظل اللهی
تشنه اولدورمگه جمع اولدی رعیت شاهی
قالدی عباس پناهینده حسین واللهی
اهل بیتی اوزی سالم او محابا گئجه سی
یار و انصارینی شاه شهدا قیلدی خطاب
بو بیابانیده دریا کیمی موج ایلیه آب
ئولدوروللر منی عطشان بویوروب ختم مآب
کربلا واقعه سین سیر ایدوب اسرا گئجه سی
هره ئوز اوغلونی حسرتله چکوب آغوشه
صبح اولونجا گئجه نی گئتمه دیلر بیر هوشه
گلدی عباس یچون هر آنیده غیرت جوشه
که هاچان صبح اولو بو مهلت اعدا گئجه سی
اذن عام اولدی گئده ایسته سه هر کیم جانین
قانه لابد بویانار یا که توکلر قانین
وعده جانانه وئروب جان وئره جانانه حسین
بو گئجه دور که همین وعده نون عقبا گئجه سی
قویمادیلار یتوره حرفینی اتمامه امام
دسته دسته قویوب یوز قاچماقا اول فرقه خام
قیلدی مشعل لری خاموش شه ذوالاکرام
بختی تک اولدی قرا زینب علیا گئجه سی
خیمه لرده دوشوب اطفال حسین تشویشه
الده عریان قلج عباس گئدر گردیشه
سویلدی ائتمه سون هیچ کیم بو گئجه اندیشه
مگر عباسوز ئولوبدی اولا پروا گئجه سی
اعتقادیم بودی معراجه رسولینی خدا
آپاروب سری واریمش ائده سری نجوا
ایلیوب واقعه کرب و بلانی القا
بو گئجه دور که همان وعده نون اخری گئجه سی
یوخ امیدیم قسم اول جانوه سندن غیری
نولا قسمت اولا بیضایه جمالون سیری
قسمت اولماسا اونا ، قعر جهنم دی یری
وای اگر بو گئجه تک گئچسه او فردا گئجه سی
