نه قدر اوزاق اولسا ، يول ياخشي دير
نه قدر يامان اولسا ، ائل ياخشي دير .
پولون وار گيريش ، يوخوندور سوروش .
دايانان آپارار
پئي سري ايديكجه وورار لار
آينين اله دوشه نين اوينادار لار .
هئچ كيم آداما قوش توتماز .
قانانا ميلچك قانادي سازدي
قانمايانا زيرنا قاوال آزدي.
دویوز کیمین بورنوییله یئر ائشیر
کئچینین باشین بیردونه کسرلر
کئچی جانینین هاییندا قصاب پی آختاریر
ائششک پالچیغا بیر دونه باتار
ائششهیه مین آتا چاتینجاق
اوکوزو اولانا یول گورسهدن چوخ اولار
ائله بیل قورباغا گولونه داش آتدین
آیی قانار کورد قانماز
تولکو تولکولوگون ثابیت ائله یینجه دریسین بوغازیندان چیخاردارلار
- چالیشماق باشماق ییرتار
-اود هر یئره دوشسه اؤزونه یئر آچار
-گون سنین دیر، کؤلگه قارا کؤپگین
-ائله ائییلمه کؤرپو قالا چایین او تاییندا
-یولدان چیخانا یول غنیم اولور
-ییخیلانا بالتا چالان چوخ اولار
-یالان آیاغ توتار، یئریمز
-قارینا گئدن قازانج دیر
-اؤزگه آتینا مینن تئز دوشر
-سن گؤرن آغاجی کسدیلر
-یوخسول پول تاپار، یئر تاپماز
-گبیه بورون، ائل ایله سورون
-کؤلگه ده یاتانین چنیی( اوراغی) ایتی اولور
-دوز یئرینه بوز یالاما
-قار سوسوزلوق قاندیرماز
-الدن قالان اللی ایل قالار
نه قدر اوزاق اولسا ، يول ياخشي دير
نه قدر يامان اولسا ، ائل ياخشي دير .
پولون وار گيريش ، يوخوندور سوروش .
دايانان آپارار
پئي سري ايديكجه وورار لار
آينين اله دوشه نين اوينادار لار .
هئچ كيم آداما قوش توتماز .
قانانا ميلچك قانادي سازدي
قانمايانا زيرنا قاوال آزدي.
آرمود آخاجیندان اوزاق دوشمز
یاغار یاغار ، گون چیخار
بار وئرن آغاجی کسمهزلر
کور آتین کور نالچیسی اولار
نه دیندن ال چکیر نه دیناردان
آغیر قازان گئج قاینار
وارلینین ائششگی ده یئیین گئدر
آبدال دان پاشا اولماز، تاختادان ماشا
عقل عقلدن اوستون اولار
عقل یاش دا اولماز، باش دا اولار
عاغیللی باش هر شئی دن فایدا گؤتورر
عاغیللی غم یییهر، عاغیلسیز قامچی
عاغیللی فی ائدینجه، دلی کورهدن کئچهر
باجاریق عقلین نیشانه سی دیر
باخماقلا اؤیر نمک اولسا، ایت ده قصاب اولار
باشی داشا دهیمه یینجه عاغلی باشینا گلمز
آتا بابا سؤزلری
آغیر آیاق باش ایر.
آغیر گلدی، یونگول قالخار.
آغیر قازان گئج قاینار.
آغیر اوتور، “آغا” دئسینلر.
غریب قوشون یوواسینی آللاه یاپار
آغیر یوکون زهمینی قاتیر بیلر.
دَلی دلیدن خوشلانیر ، ایمام اٶلودن
آغیز یاندیران آشی قاشیق تانییار.
گنچلیکده پارا قازان ، قوجالیقدا قور قازان
آغیزدان چیخان باشا دیَر.
عجله ایشه شئیطان قاریشیر
آغیزدان-آغیزا دوغرو خبر یوخدو.
آغزیمی بیر آش یاندیرسین آش اولا؛
باشیمی بیر داش یارسین کی، داش اولا.
آبدال آتا مینینجه بئی اولدوم سانیر ، شلغم آشا گیرینجه یاغ اولدوم سانیر
چاغریلان یئره اَرینمه ، چاغریلمایان یئرده گٶرونمه
آغزیندان سیفده چیخارداندا گوموش چیخارت،
اما هئچ دینمهسن قیزیلدی.
– اوخون آتير, یایين گيزلهدير.
– اوددان کول تؤرر, کولدن اود.
– اوزونه توز قوندورمور.
– اولادي, اولادي, سورویه قورد گتيردي.
– باققال داشدان کسر, ساققال ايماندان.
– بو قيرغينا خان دؤزمز, مگر گؤیدن خان یاغا.
– بو داغا یاغدي, او داغا خبر.
– بولانماسا, دورولماز.
– بير قور ايله بير کندي اودلاماق اولار.
– بيرين بيليرسن, بيرين بيلميرسن. زیرنانين گئن باشيندان پيليرسن.
– بيلهنه بير تيکه داغ دير.
– پاخيل آرتماز.
– پيس قونشو آدامي حاجات صاحيبي ائلر.
– تاپان- تاپان اولسا چؤلده چوبان بی اولار.
– توبا توخلوقدان اولار, اوغورلوق یوخلوقدان.
– تولکو توزاناغي سالما.
– تولکو سوواقلي باغا گيرمز.
– قازانجين ايکي باشي اولماز.
– قازماني قيزيل دان باشلاسان, گوهنين ديبين گؤزلر.
– یوگورن آت, اوز آرپاسين آرتيرار.پ
آغیر آیاق باش ایر.
آغیر گلدی، یونگول قالخار.
آغیر قازان گئج قاینار.
آغیر اوتور، “آغا” دئسینلر.
غریب قوشون یوواسینی آللاه یاپار
آغیر یوکون زهمینی قاتیر بیلر.
دَلی دلیدن خوشلانیر ، ایمام اٶلودن
آغیز یاندیران آشی قاشیق تانییار.
گنچلیکده پارا قازان ، قوجالیقدا قور قازان
آغیزدان چیخان باشا دیَر.
عجله ایشه شئیطان قاریشیر
آغیزدان-آغیزا دوغرو خبر یوخدو.
آغزیمی بیر آش یاندیرسین آش اولا؛
باشیمی بیر داش یارسین کی، داش اولا.
آبدال آتا مینینجه بئی اولدوم سانیر ، شلغم آشا گیرینجه یاغ اولدوم سانیر
چاغریلان یئره اَرینمه ، چاغریلمایان یئرده گٶرونمه
آغزیندان سیفده چیخارداندا گوموش چیخارت،
اما هئچ دینمهسن قیزیلدی.
1- آغیر اوتور، باتمان گَل.
ج: اینترنت اولان یئرده، گوشی قوْیورکی اوتوراسان؟
2 _تک اَلدن سس چیخماز.
ج: آی ساغ اوْل ، دئییرم آخی بیز تورکلَره نهقدر ظولم اوْلور، آللاهیندا جینقیری چیخمیر!
پو بیزیم بوشانسیمیزا، نه اولاردی آللاه ایکیدَنه اولایدی؟ بیری فارسین، بیری تورکون!
3 _داغ داغا یئتیشمز، آدام آداما یئتیشر.
ج: واللاه من ائشیدَن، آزربایجانین بوتون داغلارین سؤکوب آپاریللار، کرمان داغلارینین اَتَگینده، میس ایله دَمیر دوزلدیرلر! پس داغ -داغا یئتیشر!
4 -کئچل باخار گوزگویه، آدین قویار اؤزگویه.
ج:ایندیکی کئچللَر، آزقالیر آدامی دیری گؤزلو ییَه.
5 -کئچی جان هاییندا، قصاب پی آختاریر.
ج: سن اؤلمییه سن، ایندی ائله مسؤللار واریمیزدی، قصابین اوزون آغ ائلییبلر،، کئچی یئرینه، میللتین یاغین چکیرلَر اوستَلیک دَریسینده، سویورلار.
6 - قویونی دریندَه قازسان اؤزون دوشرسن، دایازدا.
هَه بالا دوز دئییرسن، آنجاق موغانداکی قارا نؤیوتون قویولاری نَدَنسَه هئچ قازیلماق ایستَه میر!
7 - حالوا حالوا دئمکایله آغيز شیرین اولماز، یاغ ایله دوشاب گَرَکدیر.
اَشی ایرانین میللَتیندن یاغلی یوموشاق حالوا؟
8 - گلین اویناماق باجارماز دیهر: اوْتاق اَیریدی.
ج:دقیقن بیزیم مسؤللارین بعضیلَری کیمی.
9 - سؤزی آت یئره، سؤز ییَه سی اؤزو گؤتورَر.
ج: رحمتلیین قیز نوَه سی، 40 میلیون جاماعات، 40 ایلدی، بوْغازین ییرتیر«آنا دیلدَه مدرسه» های وئرَن یوْخدو!هاندا قالمیش یئره آتاق.
10 - دمیر قاپینین تاختا قاپیا ایشی دوشر.
ج:نئجه کی پان ایراچیلارین اسلامی رئژیمی دئویرمکده، آذربایجانلیلارا بَتَر ایشی دوشوب.
11 - جوجه نی پاییزین آخيریندا سایارلار.
ج: ایندی جوجه نی هورمون گوجونه هَر ایکی آیدان بیر ساییب ساتیرلار.
12 - آشپزکی ایکی اولدی آش یا دوزلو اوْلار یا دوزسوز.
ج: حاقلیسیز، بودا دوز بیزیم اؤلکه نین باشچیلاری کیمی بیر ایشدی، رئییس جمهورلا، مقام معظم رهبرینین آراسیندا، شورای نگهباندان توتموش، مجمع تشخیص مصلحت نظاما دک، بیر سورو گؤزه گؤرونمز رئیس جمهورلار وار.
13 - خوروز یوْخیدی سحر آچیلمیردی.
ج: خوروز یازیق نئیله سین؟ گؤردو بانلیانین باشین کسیرلَر، باشین گؤتوروب قاچدی.
14 - سو گَلسه یولون تاپار.
ج: سو چوخدان گلیبئی، سَدلر یوْلون باغلاییب، اورمو گؤلونه چاتا بیلمیر.
15 - اؤرکن نهقدَر اوزون اولسا آخیر گلیب دوغاناقدان سووشاجاق.
ج: آتین بیری بیر متوسطالمدل بنزدن باهادی، ایندی آت تاپیلیر اؤرکَن دوْغاناغیدا بیر- بیریندن کئچه؟
16 – اؤزگَهنین یاغلی سیندان اؤز یاوانین یاخچی دی.
ج: واللاه بیزیمکی گؤزوموز یاغلی سَهلیدی، هئچ یاوانیندا گؤرمور! منجه بو سؤز فلسطین -لبنان -عراق -یمن و...اؤلکه نین آداملارینا دئسه نیز، بلکه اوْنلاردا، ایرانین بؤیوک باشلارین باشا سالالار!
17 _ اؤزی ییخیلان آغلاماز.
ج: قاچ گئت ایشوون دالیسیجا گؤرومئی، 365گونو باشدان-باشا آغلییریق، اوْلماسا ییخیلاقدا!
18 _ اوستو اؤرتولی بازار دوْستلوغو پوْزار.
ج: دوْستلوق-خَطیر حؤرمت قالیبدیکی، پوْزولادا؟
هامینی بیر-بیرینه یا ضامن ائدیبلر، یادا بوْرجلو.
19 - آشینا آشینا، چیخدی اوْجاق باشینا.
آشینا-آشینا یوْخی، آللادا-آللادا.
20 - هر زادین تَزَه سی دوستون کؤهنه سی.
ج: دئییرَم آخی، سکه ی بهار آزادینین قدیم طرحی باهالیدی!
21 _خمیر چوخ سو آپارار.
ج: اسلامی انقلابین خمیریکی چوخ قان آپاردی...
22 -باغا قینین دان چیخدی قینین بَیَنمَدی.
ج: بعضی کند اوشاقلاری دئییرلرها؛ این دینگه -دینگه ها چیه؟
23 - آت طؤیله میخین یئردن چیخاردسا، بیرین یئره وورار ایکیسین اؤزونه.
ج:بیزیمکیلَر کی هامیسن میللته وورور.
24 - تولکو- تولکویه بویورار، تولکو دَه قویروغونا.
ج: ایراندا کی، هامی تولکونون اَلین دالدا باغلییب!
25 _چوْخ بیل، آز دانیش.
ج: آخی آزدانیشانا های وئرَن وارکی، چوْخدا دانیشالار؟
26 - آدامین اؤزونونکی اَتین یئسه دَه، سوموگون آتماز.
ج:هلَه کی بیزیم دؤولت، اَتیمیز سَهلی، دیلیمیزیدَه یئییب، اوستوندَندَه بیر کاسا سو ایچیب.
27 -کوْر توتدوغون بوراخماز.
ج: پان ایرانیستلَر کوروشو بَرک-بَرک توتان کیمی.
28 - آرپا اَکن بوغدا بیچه بیلمز.
ج: بَس نَجور بعضی نمایَنده لَر، اؤز میللتین تاپدالایاراق، بیرینجی سَس «رأیی» قازانیرلار!
29- قونشویا اومود اولان شامسيز قالار.
ج: بونودا دئییبلَرها: یاخجی قونشو، یامان قارداشدان «فارس»دان ایرَه لیدی. البته بیزیم قارداشیمیز قوزئی اذربایجان ایله تورکیه نین یئری فارس قونشولاریمیزلا دَییشیک دوشوب.
30 - قاشین دوزَلدن دَگیلدی ووردو گؤزون چیخارتدی.
ج: بای آتوونان، دوز اوستانی شبکه لَر، تورک دیلین چیینَه توپور ائلییه ن کیمی!
31 _ آز دانیش، ساز دانیش، دوز دانیش، سؤز دانیش.
ج: واللاه هَله آز دانیشیریق، جاسوس-پان تورک و... اولموشوق، چوْخ دانیشساق ، نئجه اوْلار؟
32 - دوز سؤز آجی اولار.
تاریخ حقیقی🌷, [06.07.20 01:19]
[Forwarded from Həbib Yakamoz]
ج: او سن اؤلمهیهسن، منه زَهَرتولوغودا دَئسهلَر، دوز سؤزومو دییه جَم.
33 - حق داشی آغیر اولار.
ج: اوْدو دای، داشیمیز دوشوب پانفارسلارین باشینا.
34 - چیراق اؤز دیبینه ایشیق سالماز.
ج: احسن سَنه، دقیقاً تهرانین شورای اسلامی مجلیسیندهکی آذربایجانلی منصور حقیقت پورلارا سایاق مثلاً میللت وکیللری.
35 - آغاج بارگَتیردیکجَه باش اَیَر.
ج: دئییرم آخی، بعضی سید جواد طباطبایی کیمی عالیملَریمیز، سؤیود آغاجی کیمی، شوتدویوب، میللَتدَن اؤزون آیری توتور.
36 -قیش کئچدی اوزی قارالیق کؤموره قالدی.
ج: بیزدَه باتمیش حاقلاریمیزی آلمالییق، آنجاق اوزو قارالیق، ساتقین مسئوللارا قالاجاق.
37 -بؤرکو باشا قویان گَرَک، بؤرکونه دَه، بیر یاراشا.
ج: اؤزوم اؤلوم من ها اؤلچوب بیچیرَم، گؤرورم کرمانین کویری ایله قاراداغین مئشهلری بیر بیرینه هئچدَه یاراشمیرلار.
38 -پیشیگین آغزی اَتَه چاتماز دییَر: اییی گلیر.
ج:بودا فارسلارین قوزئی آزربایجانین استقلالیتی اوزوندَن، اوْ اؤلکویَه، گوندَه بیر بؤهتانلارلا یاناشی قوندارما«آران-جمهوری ایران شمالی و...» یاپماسینا چوْخ آیدین میثالدی.
39 -یوولمامیش قاشیق تَکین سورفیا آتدانما.
ج: بونو موْللالارا دئیین: رادیو تئلویزیادا، آشپازلیقدان توتموش، حَکیملیکدَن هابئله نووَه «اَتُم» سیلاحی حاقدا، اوزمانلیق«کارشناسی» رُلوندا تشریفلَری وار.
40 -اوزاق فامیل دَن یاخین قوْنشو یاخچی دی.
ج: قاقاش، ائله دگیل. من اؤز پاییمدا، اویغور تورکلریله یاکوتیستاندان توتموش کیریم، وهابئله تاتار - ماجار«مجارستان»-قاراقالپاق-قیرقیز-اؤزبک-تورکمن- تورکیه، قوزئی آزربایجان-باشقیرستان -پئچَنَک و.... تورکلَرین، فارس فاشیسمیندَن چوخ یاخین سانیرام.
41 - مَچیدین قاپیسی آچیقدی، ایتین حایاسینا نه گلیب؟
ج: ایت نه بیلیر، حایا نهَدیر؟ یوز ایلدی بیز بو ایتلَری دانلییریق، باشا دوشمورلَر.
42 - اؤزونه اوْماج اوغانمیر اؤزگویه اَریشته کَسیر.
ج: دوز دئییرسن، بیر بئله یئر آلتی، یئراوستو قایناقلارلا، میللتی پیس گونه سالیبلار، هَلَه «گفتگوی تمدنها» دان دانیشیرلار!
43 - ایلان ووران آلا چاتیدان قوْرخار.
ج: ایللاهدا، دیل ایلانی ایله، چالیناسان.
44 - اَت گَتیرمَه میش کیفته ایستهییر.
ج: یارانه تؤکمَه میش، قبضلَرین پولون ایستییه ن کیمی.
45 _ چوبانی اؤزوندَن اوْلان قوْیونو، قورد یئمَز.
ج: آللاه سیزی رحمت ائله سین آتالار، بو سؤز دوز آزربایجانین یاراسینا توْخونانلارداندی، واللاه.
46 - چوخ گَزَن چوخ بیلر، چوخ یاشییان چوخ بیلمز.
ج: میللت آجیندان قان کؤپوک قوسور، پول هاردایدی چوخدا گَزَه؟
47- ائلین گوجو، سئلین گوجو.
ائلین گوجو اولسایدی، اؤز دیلینده درس اوخویاردی.
48- سو اولان یئرده تیمم باطلدی.
آاااااافرین- آفرین، آدامین بو گوجلولوکده آنادیلی اولان یئرده، نیه فارسجا تحصیل آلمالیدی؟ هَیین!
49- ایتی وورمازلار، ییهسیندن اوتانارلار.
جاوابین آتالار اؤزو وئریب :" مچیدین قاپسی آچیق قالیب ایتین حایاسینا نه گلدی؟
50- باشیم هارا، آیاغیم اورا.
یووووخ، او سؤزلر قالدی قدیمده، ایندی بئله اولوب باااا، باشیم هارا؟ چوخ دوشونسه، چکیلر دارا.
